love {{{الفتى الذهبى }}}
عدد الرسائل : 413 العمر : 33 تاريخ التسجيل : 16/12/2007
| موضوع: كنك مشاهدني الثلاثاء يناير 01, 2008 4:38 am | |
|
السلام عليكم
كل عام وأنتم بخير
اليوم جايب لكم قصيدة للعيد
للشاعر
فهد الديري الحربي
وأسمها
قصيدة العيد
تفضلوا
= = =
ياعيد ماني بقايل مثل ابا الطيّب = بـ ايّات ياعيد حال ٍ عدت عايدني
مادمت اسج القدم بعيد وقريّب = بصبر واساير زماني لو يعاندني
واجامل الناس واشري خوة الطيّب = والا الردي تبع لا يبعد ولا يدني
والدّهْر ياعيد كم بعـّـد وكم غيّب = والله من غايبٍ كنه مشاهدني
لو غاب عن شوف عينٍ دمعها ريّب = بالحلم كم زارني طيفه وعاودني
لا هبّ ياعيد من ريح الصبا صيّب = يتل روحي ويدنيني ويبعدني
فدوه لمن فارقوا والجمع متهيّب = ناسٍ على بعدهم نفسي تْراودني
والوقت ماقول لا خلاّ ولا سيّب = كم من عزيز افقده وان غبت يفقدني
لكنّ ياعيد راسي بعدهم شيّب = والعين ياعيد عيّت لاتهاودني
ياعيد لو مال عود البكر والثيّب = ماقلت ياعيد مشقيني ومسعدني
= = =
قصيدة جميلة ورائعة , وأستغرب عدم انتشارها
وجدت عليها أمر واحد , وهو أنه كرر كلمة العيد أكثر من اللازم
ولو أن بعض الشعراء يستطربون لهذا الامر , وهو تكرار النداء في حال التوجد
البيت الرابع جميل , وتفسيره في البيت اللي بعده
الله .. يشاهده في الحلم رغم بعده
القصيدة مافيها صور ابداعية , أو سبق وصفي
بس فيها احساس عميق , ونفس تواقه للقاء
*
كل عام وانتم بخير
| |
|